"最神奇預測者","最偏離預測者"

絲絲講場：周小川膺最偏離預測者

對 於 金 融 界 來 講 ， ○ 八 年 真 係 風 起 雲 湧 一 年 ， 多 位 國 內 外 金 融 界 猛 人 都 試 過 為 經 濟 同 股 市 「 把 脈 」 。 內 地 傳 媒 就 年 尾 向 佢 派 成 績 表 ， 睇 邊 個 把 脈 把 得 準 ， 邊 個 只 係 茅 山 術 士 。 結 果 中 國 人 民 銀 行 行 長 周 小 川 就 被 選 為 「 最 偏 離 預 測 者 」 ， 皆 因 無 論 通 脹 有 否 回 落 ， 佢 都 堅 持 以 加 息 抑 制 通 脹 ； 摩 根 大 通 經 濟 學 家 龔 方 雄 就 因 為 出 份 預 言 書 ， 貼 中 內 地 救 市 方 案 ， 被 喻 為 「 最 神 奇 預 測 者 」 。

羅 傑 斯 測 A 股 最 離 譜
內 地 傳 媒 選 出 其 他 「 預 測 人 物 」 ， 仲 包 括 「 最 超 前 預 測 者 」 厲 以 寧 、 「 最 親 民 預 測 者 」 賀 強 、 「 最 固 執 預 測 者 」 成 思 危 、 「 最 機 械 預 測 者 」 哈 繼 銘 、 「 最 書 生 氣 預 測 者 」 易 憲 容 、 「 最 冷 酷 預 測 者 」 胡 舒 立 、 「 最 不 靠 譜 預 測 者 」 羅 傑 斯 同 埋 「 最 果 敢 預 測 者 」 里 克 ‧ 米 勒 。

商 品 大 王 羅 傑 斯 因 乜 事 被 選 為 最 離 譜 預 測 者 呢 ？ 佢 就 衰 在 前 言 不 對 後 語 ， 傳 媒 統 計 過 佢 對 A 股 言 論 ， 發 現 佢 話 A 股 有 泡 沫 時 ， A 股 就 狂 升 ， 佢 仲 會 係 幾 日 之 間 否 定 之 前 判 斷 。

至 於 周 小 川 由 ○ 三 年 起 已 經 話 通 脹 係 問 題 ， 並 且 收 緊 貨 幣 政 策 ， 今 年 開 始 ， 好 多 專 家 都 話 通 脹 屬 於 輸 入 型 ， 收 緊 貨 幣 政 策 會 累 中 小 企 ， 但 七 月 中 央 將 重 點 放 「 一 保 一 控 」 ， 同 時 通 脹 回 落 ， 周 行 長 仲 係 覺 得 提 高 利 率 不 失 為 對 抗 通 脹 一 種 選 擇 。

Orientaldaily.on.cc 余 絲 韻 21.12.2008