中環在線：徐子淇父憑女貴 做執董年 342萬銀年薪
徐子淇嫁入豪門，做咗香港股神李兆基嘅新抱仔，做老竇嘅亦父憑女貴，徐爸爸徐傳順做咗香港資源（ 2882）執行董事。呢間公司前身係海域化工，黃英豪做白武士接收咗之後，重組後改名做香港資源，即搵貴人徐傳順坐鎮，現年 55歲嘅徐爸爸作為香港資源執董，上年就咗 300幾萬銀年薪。
徐子淇嫁入豪門，做咗香港股神李兆基嘅新抱仔，做老竇嘅亦父憑女貴，徐爸爸徐傳順做咗香港資源（ 2882）執行董事。呢間公司前身係海域化工，黃英豪做白武士接收咗之後，重組後改名做香港資源，即搵貴人徐傳順坐鎮，現年 55歲嘅徐爸爸作為香港資源執董，上年就咗 300幾萬銀年薪。
助引四叔揼水
睇番香港資源重組後首年新鮮出爐嘅年報，徐傳順 09年度總薪酬有 342.1萬銀，當中除咗薪金 150萬銀（即每月平均 12.5萬銀）之外，仲包括 191.5萬銀「股本結算以股份為基礎之付款」，應該係認股權之類。以海域化工重組兼改名香港資源後，喺上年 10月 3日恢復買賣，當日股價 0.95元計算，至上周五收報 1.5元，股價大升 58%，徐爸爸收穫唔少。
睇番香港資源重組後首年新鮮出爐嘅年報，徐傳順 09年度總薪酬有 342.1萬銀，當中除咗薪金 150萬銀（即每月平均 12.5萬銀）之外，仲包括 191.5萬銀「股本結算以股份為基礎之付款」，應該係認股權之類。以海域化工重組兼改名香港資源後，喺上年 10月 3日恢復買賣，當日股價 0.95元計算，至上周五收報 1.5元，股價大升 58%，徐爸爸收穫唔少。
做咗香港資源後，徐傳順冇令黃英豪失望，好快就斟掂親家四叔，同女婿李家誠揼水，等公司可以接收金至尊。查實徐爸爸本身都幾猛料，持有財務學碩士學位，係香港會計師公會嘅資深會員，喺中電（ 002）做咗廿幾年，出任過唔少管理職位，後來中電將佢借調去大亞灣核電廠做總審計師，幫手住盤數。家陣收購咗金至尊，唔知徐爸爸會唔會為個女做尊金像呢呵？
人工拍得住主席.
人工拍得住主席.
至於其他高層人工又如何？新任主席黃英豪總薪酬有 360.1萬銀，而前朝留落嚟嘅執董許浩明薪酬同徐爸爸一樣，都係 342.1萬銀。
Appledaily.com.hk 李華華 20.7.2009
沒有留言:
張貼留言